|
|
|
Reglanan di kompertashon pa un eksitoso
selebrashon di Karnaval
General
Nos ta yegando na e temporada ku un i tur ta
anhelá: “Karnaval”.
Nos ta konvensí ku henter pueblo tambe ta
preparando pa selebrashon di e “35
Aniversario” aki.
Pa un eksitoso selebrashon nos komportashon
den tur sentido di palabra ta sumamente
importante pesey ata aki algun regla di
komportashon pa un i tur.
Bistimentu
Durante temporada di Karnaval nos a
kustumbrá ku nos pueblo ta alegre i kreativo.
Kreatividat t manifestá su mes den tur
forma, na tur okashon.
Kreatividat den nos moda di bisti semper ta
bon bini basta e ta kuadra ku nos reglanan
di norma i balor. Un petishon na tur hende
prinsipalmente hende muhé pa bisti apropiá i
desente. Laga nos evitá vestuarionan
demasiado provokativo.
Reglanan en konekshon ku e marchanan
Na momentu ku bo ta Sali for di kas kòrda
Sali ku bo pasaporte di bon kondukta i bon
beis. No lubidá di Sali ku bo saku di sushi
p’asina bo por depositá tur kùp bleki i otro
kosnan ku bo usa den e saku di sushi. Ora bo
ta bai kas laga e saku di sushi kantu di
kaminda i Selikor lo pasa i rekohé e saku di
sushi. Kòrda laga e sitio kaminda bo a para
wak Karnaval limpi i ku esei bo tambe a
koperá di tene nos kayanan limpi.
Tene kuenta ku bo ta henter dia den solo
p’esei nos ta rekomendá di akaso bo ta hasi
uso di alkohòl tene esaki na un forma moderá.
Trata di bebe mas tantu awa posibel. Bo
yunan ta bo responsabilidat p’esei mester
tira bista riba nan pasombra tin hopi
vehíkulo pisa den marcha .
Disfrutá di nos marchanan i kòrda aploudí
nos gruponan komo rekonosementu pa trabounan
ku nan a ehersé pa presentá p’abo disfrutá.
Orario
Nos kier rekordá tur grupo di karnaval tantu
pa marcha di tener komo marcha grandi ku e
partisipantenan komo vehíkulonan mester ta
na tempu i na e sitio indiká ku nan mester
instalá.
PA MARCHA DI TINER TUR VEHIKULO MESTER TA
NAN SITIO PA 4.OR DI ATARDI.
PA MARCHA GRANDI TUR VEHIKULO MESTER TA NAN
SITIO PA 8.OR DI MAINTA.
PA MARCHA DESPEDIDA HUBENIL TUR VEHIKULO
MESTER TA NA NAN SITIO PA 1.OR DI MÈRDIA.
PA MARCHA DI DESPEDIDA GRANDI TUR VEHIKULO
MESTER TA NAN SITIO PA 4.0R DI ATARDI.
Si tur persona i vehíkulo ta na nan sitio na
e orario stipulá por saka tur marcha na
tempu p’asina tin bastante tempu pa disfrutá
riba e trayekto dje marcha.
Zonido
Un biaha mas nos kier hala atenshon di tur
esnan enkargá ku zonido pa por fabor pone
esaki na un nivel ku tur por disfrutá i
baila riba tono dje músika di tumba. No laga
músika duru bira un estorbo tantu pa
partisipantenan komo esnan stashoná riba e
ruta di karnaval.
Kòrda ku zonido demasiado duru ta malu pa
oido di hende.
Laga nos tur koperá p’asina nos marcha bira
eksitoso.
FELIS KARNAVAL
|
